CCLIII.

1363, Mai 13. Frankenstein.

Abt Andreas urkundet Seitens des Klosters über denselben Vertrag.

In nomine domini amen. Nos frater Andreas abbas monasterii Kamensis ordinis Cisterciensis diocesis Wrat. universos tenoris presentium scire cupimus auditores, quod omnis disturbii seu dissencionis materiam inter nos et nostrum conventum monachos et fratres ex una, et Johannem et Hermannum fratres filios quondam nobilis militis domini Steffani de Rychinbach advocatos hereditarios in Frankinsteyn parte ex altera, nomine molendini, que Harthmoele dicitur, emersam seu exortam de consilio et consensu unamini et mera voluntate seniorum nostrorum fratrum conventualium matura deliberatione prehabita, non improvide, nec per errorem seducti, seu coacti, in famosos et honestos viros, videlicet Peschconem de Cunczindorf et Nicolaum Scriptorem civem in Frankinsteyn nostri conventusque nostri nomine et dominum Cunradum de Rybenicz militem et Jeraslaum de Swenkinvelt ex parte predictorum fratrum de Rychinbach electos tanquam in arbitros idoneos et amicabiles compositores cause premisse una cum dictis fratribus et eorum matre, domina Elyzabeth, sincera fide compromisimus volentes et absque dolo promittentes in ipsorum discussione et amicabili diffinitione absque omnis contradictionis renitentia perpetuo tempore affuturo plenius et benivole contentari. Qui, ut asserunt, predictam causam sub modo et forma infra scriptis secundum dei et iustitie informationem provide discusserunt, scilicet, quod dictum molendinum in eodem loco, quo presentialiter de novo edificatum et limitatum fore dinoscitur omni nostra nostrique conventus communiter vel divisim contradictione et revocatione penitus postergata stare debeat et manere; ita tamen, quod una sepis duplicata in medio lapidibus et terra referta, que laycali vocabulo et vulgariter "eyn czuycczuen" nuncupatur pro metis et terminis grenicialibus superius prope molendinum appositis, etiam quibusdam magnis lapidibus pro maiori intersigno, si nobis et dictis fratribus beneplacitum fuerit conseptari debeat et protendi, sique per temporis successionem situs et locus prefati molendini, quo iam est constructum, pretactis fratribus vel eorum successoribus forsitan displiceret, ex tunc dictum molendinum locare et construere licite et de iure poterint inter pretactam sepem grenicialem et locum, quo prius fuerat edificatum, ubicunque competentius ipsis fore videbitur nullo hominum penitus requisito. Si vero in superiori parte prope aquam dictum molendinum inundatione aque ipsos urgente edificare et locare decernerent, hoc fieri debeat de nostra nostrique conventus licentia et favore speciali. Illud quoque terre spatium intra metas predictas conclusum ad prefatum molendinum perpetuis temporibus debeat pertinere; verumptamen ager quidam aratro colendus annuo precio conventus, prope prefatam sepem grenicialem situatus, per molendinatorem dictum molendinum regendem coli debeat pro sue libitu voluntatis. Pro cuius usu et cultura idem molendinator . . sculteto nostro in Pilcz, qui est vel fuerit, suisque successoribus singulis annis perpetuis temporibus dimidium fertonem grossorum Pragensium super festo sancti Michahelis pro censu annali solvere et dare debeat et tenetur. Qui si in termino premisso huiusmodi censum non dederit, ex tunc prefato sculteto pignera postulante per servitorem predictorum fratrum de pignore sufficienti sibi indilate debeat a dicto molendinatore provideri. Super quo quidem agro predicto, si dissencionis, litigii seu alterius contrarietatis nota per quempiam quocunque casu contigerit per prefatum scultetum constat iudicanda, litigio vero seu casu contrario qualicunque in molendino suisque metis grenicialibus moto vel movendo per predictos fratres aut eorum substitutum debeat iudicari. Sique obstaculum commune aquaticum, quod vulgariter "eyn lantwer" dicitur, aqua Nyse nimium inundante necesse esset construi et fundari, hoc pro ipsorum indigentia superius in littore aque Nysensis in opposito ville Harthe fundare et edificare poterint nullo omnino nec nobis nec nostro conventu contradictionem seu inhibitionem quomodolibet facientibus seu facturis; obstaculo tamen molendini sepedicti aquatico circa sua iura antiqua semper remanente, sane etiam decernentes, quod omnes et sigule litere et documenta privilegia seu tabellionalia nos nostrumque conventum contingentia predictam discussionem et diffinitionem arbitralem infringere valentia vigore presentium irrita et cassata esse debeant et penitus adnullata; presentium sub nostro nostrique conventus sigillis subappensis testimonio literarum. Datum in Frankinsteyn in sabbatho infra octavas Ascensionis omnium salvatoris anno Nativitatis eiusdem millesimo CCC°. sexagesimo tertio.

Inseriert in einer Originalvidimation des Frankensteiner Hauptmanns vom 18. November 1364, welche mit No. CCLXIV. wörtlich übereinstimmt. Die Varianten einiger Zeugennamen sind dort in der Note (mit der Bezeichnung B.) angeführt. Auch Siegel und Befestigungsmittel sind bei beiden Urkunden dieselben.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.